東隧過海巴士線641將更改為經紅隧141

1000px-NWFB_641_4042_KOB_20140103-650x434

 

(作者按:今年巴士路線發展計劃,運輸署建議東隧過海巴士線641更改為141,改經紅隧,同時不再服務觀塘巿中心及藍田。究竟對現有乘客有何影響? 或者想知乜野係641?請觀看以下的演繹。)

一直以來,乘客如需由觀塘區一帶往返港島北岸,如銅鑼灣、灣仔、金鐘及中環,除了乘搭港鐵,還有數條全日巴士線可供選擇。

 

螢幕快照-2014-04-09-下午04.33.48-650x119

 

從上述各個選擇,不難發現,時間就是金錢,但未必能夠得到舒適的服務,觀塘線、港島線,大部份時間只有企位,座位寥寥可數,時運低的隨時要等多班車去幫手製造就業職位,將軍澳線坐不夠二十分鐘又要下車,仲未計港鐵年年按機制加價,但故障次數不斷增加。

同時要便宜又要舒適,只有巴士一途,但要付出不少時間。可是,舒適的服務,往往在總站區開出頭數個站才能享受到,下午繁忙時間在灣仔打後,例如炮台山及北角,上601/619返回東九龍,卻往往只有企位,或者一兩次望車興嘆。而在總站頭幾個站上車的,因為車程頗長,往往可以在車上小睡,每晚姑且可以睡少一小時既。非繁忙時間或許會有多幾個座位,但是,乘搭巴士往返觀塘區及港島北岸,一來一回,一天已經用了你接近兩小時。如果是返觀塘山上,例如秀茂坪、樂華同四順的話,仲慘;返屋企果程,隨時唔見左個半鐘。

在非繁忙時間,也許大家都不介意搭車時間耐一點。但繁忙時間,尤其下午繁忙時間,總會有人《愛回家》吧? 放中上環金鐘灣仔一帶,除了上述選擇,可以有「不經銅鑼灣、炮台山及北角」的較快捷選擇嗎?答案是有的!

你聽過641嗎?未聽過的可要認識下;聽過的,請繼續觀看我們的演繹。

 

螢幕快照-2014-04-09-下午04.34.46

 

$10.5,45分鐘由中上環金鐘灣仔返回觀塘巿中心、藍田一帶,比起甚麼101/601/619,時間上更吸引吧?同港鐵比較,雖然慢左D,但灣仔前上車多數有位坐;灣仔上車可能要企,但由於行走東區走廊,不經炮台山及北角,節省了部份時間,算係吸引吧?641優點就是在價錢、舒適度及速度上取得平衡,正正靠它來分流這批要快要舒適的乘客。否則,炮台山及北角的乘客,我不能保證你們同時間能夠順利登上601/619。

641雖然唔算稱得上快靚正,有時都會受塞車影響,但都叫做接受到,可以比多少少錢去博一個較快捷服務,好想它全日服務吧?唔好意思,就黎連641都無得揀!如果區議會通過路線重組,641的確將會被消失,由另一號碼141代替。但是,141來回都不會途經觀塘巿中心及藍田!選擇少左,可以點算?坐601/619吧。不過就要同炮台山、北角的朋友講聲「唔好意思喇」。641於放工時段足足載走一千人返去觀塘同藍田,呢一千人如果全數改搭601/619,放工時間高峰不敢想像! 試想想,依家有幾多人可以準時5點就放工?

 

繁忙時間迫港鐵?將軍澳線載客率爆100,有100.6%!因為將軍澳過海去港島,在沒有任何故障情況下,搭港鐵,方便又快捷!何況依家都唔可以係藍田直接過海去鰂魚涌,返工時間去油塘轉將軍澳線前往港島,乘客數量足以企滿半個月台!上到車,去到北角,往中環方向乘客太多,隨時又要等多班車,等完又等!

唔想等完又等,搭601/619吧。所以無論601/619有幾慢,都有好多捧場客。識得揀,繁忙時間就當然揀641,如果唔係個一千人邊度走出黎? 可惜,呢一千人,就黎連641都無得揀;無得揀之餘,炮台山及北角乘客隨時上唔到車……如果是住在觀塘山上秀茂坪、樂華或順利果頭,不好意思,一係就比多幾蚊,搭地鐵再搭多程巴士或小巴上山歸家去吧!

 

今次改完之後,佔641客量比例唔少的觀塘客倒晒落101/601/619度,令本來已經慢同逼的車程更慢更逼,但係三條線無相應的服務調整,結果只會令三條線更容易頭段滿載,白塞港島後半截車程。既然佢地識得嫌東隧塞車,就抽條641改行紅隧,快D返到啟晴、德朗、啟業同麗晶,連觀塘巿中心都唔做,咁係咪應該諗下,點樣分流返101/601/619既壓力,增加特快班次,快D打爆架車就上跑道過海,留返D位俾後面既人上車,唔好搞到觀塘山上班居民,下下要個半鐘先返到屋企?

 

 

 

原文:http://www.vjmedia.com.hk/articles/2014/04/09/68895

本文固定鏈接: http://traffic-news.ozzotec.com/archives/24877 | 交通規範及新聞

報歉!評論已關閉.

traffic impact assessment